Co comezo do ano a Comisión de Educación Ambiental de ADEGA iniciou unha serie de actividades de formación que pretende aportar coñecementos e capacitar as educadoras amientais nunha sociedade en continuo cambio e evolución. O programa de formación, continuo e aberto, pretende igualmente ser un espazo  de reflexión e debate sobre a educación que se está realizando en Galiza e nos resto do estado, así como da educación ambiental que se desenvolve na  mesma asociación. As actividades serán diversas e estarán enmarcadas tanto, dentro dos programas que desenvolve a asociación como calqueira temática que sexan de interese para as educadoras, socios, etc,. As sesións mensuais se adaptarán as necesidades e inquedanzas da equipa de educación ambiental así como socias e socios de Adega ou simpatizantes. Charlas, obradorios, saídas, debates, xogos, etc,  serán algún dos formatos no que se traduza este foro permanente de formación en educación ambiental.

Desde hai anos, ADEGA vén desenvolvendo campañas relacionadas con diversos aspectos do Nadal: “Neste Nadal... os meus agasallos sen pilas” ou a “Carta das raíñas magas” foron algunhas das iniciativas que invitaban a reflexionar sobre a importancia da contención no consumo no Nadal. Con este caderno queremos achegar aos Fogares Verdes unha lectura reflexiva nestas datas nas que o consumismo parece convertirse na motivación principal das celebracións. Xuntanzas para celebrar unhas festas nas que os curtos días convidan a longas ceas e xantares, nas que se intercambiar agasallos e onde a solidariedade e a paz parecen estar presentes. Porén, as cegadoras luces destas celebracións (que ben poderían chamarse as festas do consumismo) impidennos ver o seu alto custo ambiental, económico e social.

Baixa o caderno premendo aqui

Durante o fin de semana do 5 ó 8 de decembro ADEGA participou no XX encontro estatal de amantes do lixo celebrado en Basauri (Bizkaia). No encontro participaron un centenar de persoas que representan a grupos ecoloxistas e medioambientais, entidades recuperadoras de economia social e grupos de educación ambiental.

Ao encontro acudimos persoas que nos declaramos amigas do lixo. A intención é xuntarnos tres dias ó ano para debatir e reunir experiencias, o obxetivo  principal deste foro non é xuntar só a ecoloxistas o persoas maís ou menos preocupadas polo medio ambiente, senon tamén a docentes, ás cooperativas e a colectivos que fan traballos de recuperación.